यस श्री जिवनज्योति मा.वि.को स्थापनामिति २०२९ असोज १ गते यानि इस्वी संवत १९७२ सेप्टेम्बर १७ का दिन यस क्षेत्रका अभिभावक मिलि ठाकुर प्रसाद बरालको अध्यक्षतामा तत्कालीन पराशन गाउँ पञ्चायत त्रिभुवनवस्तीमा गरिएको हो । यस श्री जिवनज्योति मा.वि. को स्थापनावि.सं. २०२९ साल असोज १ गते जीवन ज्योति प्रा.वि. को नामबाट स्थापना भइ विधिवत रुपमा सञ्चालनमा आएको । मिति २०४२/०१/०४ देखि कक्षा– ४ र क्रमश कक्षा – ५ सञ्चालनमा आएका हुन् । (हुनत स्थापना काल देखि नै कक्षा १ – ५ मा भर्ना लिई पढाइ सञ्चालन भएको कुरा विद्यालयको इतिहासले बताउँछ ।) पुनःयहाँका अभिभावकहरुको विशेष पहलमा मिति २०६२/०२/११ देखि कक्षा –६ क्रमश कक्षा –७, कक्षा –८ सम्म सञ्चालनमा आयो । ततपश्चात यहाँका स्थानीयहरुको विशेष सक्रियतामा मिति २०६६/०१/२९ देखि मा.वि. तह स्थापना भइ क्रमशःकक्षा –१० सम्म सञ्चालनमा आएको छ ।यस विद्यालयमा हाल बालकक्षा देखि कक्षा– १० सम्मका कक्षाहरु सञ्चालित छन् । विद्यालयमा करीब ६६% दलित विद्यार्थी र वाँकी अन्य विद्यार्थीहरु अध्ययनरत छन् । विद्यालयको वि.व्य.स.को अध्यक्षतामा हालसम्म ११÷१२ जति भइसक्नु भएको छ । संस्थापक प्र.अ. दिनानाथ बराल हुन् भने लामो समय सम्म यस विद्यालयका प्र.अ.का रुपमा श्री शिव प्रसाद घिमिरेले कार्य सम्हाल्नु भयो भने वर्तमान प्र.अ. का रुपमा श्री भरत कुमार बस्नेत कार्यरत हुनुहुन्छ । जम्मा विद्यालय शिक्षककर्मचारीको संख्या २१ जना रहेको छ ।
हाम्रो विद्यालयमापनि नगरपालिकामार्फत वेबसाइट निर्माण हुन लागेको हुँदा सारै खुशी लागेको छ । वेबसाइट मार्फत विद्यार्थी, शिक्षक र अभिभावकहरुलाई नजीकबनाइने छ । यस विद्यालयलाई संसार सँग परिचित गराउने मौका अवश्यमिल्ने छ ।
विद्यालयका इतिहास विद्यालयको वर्तमान अवस्था एवम् यस क्षेत्रको पहिचान अवश्य हुनेछ भन्ने विश्वास लिएको छु । विद्यालयको आर्थिक अवस्थाका कारण वेबसाइट निर्माण गर्न नसकेको अवस्थामा पुनर्वास नगरपालिकाले आफ्नो लगानीमा यो कार्य गर्न लागेकोले आदरणिय नगर प्रमुख तोय प्रसाद शर्मा, त्यसै गरी नगर उप प्रमुख, प्रमुख प्रशासकिय, शिक्षाअधिकृत, शिक्षा शाखा प्रमुख शिवराज भट्ट ज्यू लगायत सबैमा मेरो र विद्यालयको तर्फबाट हार्दिक आभार व्यक्त गर्दछु ।
यस कार्यले गर्दा हामैो नगरपालिकाको शिक्षाको स्तर केहि माथि गएको आभास भएको छ । जसलाई विद्यार्थी शिक्षकहरुले उत्सुकताका रुपमा हेरी रहेका छन् । यो एउटा सानो सञ्जाल (झ्याल) हो, जहाँबाट संसार चिन्हाउन सकिन्छ ।
अन्त्यमा यो एउटा सरहानिय सामाजिक कार्य भएकोले यो कार्य सम्पन्न गर्ने जिम्मेवारी लिएको सासा इन्फोसिस प्रा. लि. प्रति हार्दिक धन्यवाद ज्ञापन गर्न चाहन्छु ।
थप पढ्नुहोस् →
संस्थाहरुसँग आबद्ध भई हामी उच्च शिक्षा प्रदान गर्दछौं। यी साझेदारीहरुले विद्यार्थीहरुलाई अत्याधुनिक ज्ञान, सीप, र स्रोतसाधनमा पहुँच प्रदान गर्दछ, जसले उनीहरुको व्यक्तिगत र व्यावसायिक विकासमा मद्दत गर्दछ।